Google ADS

Thaçi: Me 7 Mars kujtojmë sakrificën dhe kontributin e jashtëzakonshëm të mësimdhënësve në vitet më të errëta të robërisë

09:10 | 7 Mars 2020
A. B.

Presidenti i Republikës së Kosovës, Hashim Thaçi, i ka uruar të gjithë mësimdhënësit për Ditën e Mësuesit, 7 Marsin.

Përmes një  postimi në “Facebook”, Thaçi ka thënë se në këtë ditë kujtohet me respekt sakrifica dhe kontributi i jashtëzakonshëm i mësimdhënësve në vitet më të errëta të robërisë, shkruan portali arbresh.info

Postimi i tij i plotë:

Çdo 7 Mars, në Ditën e Shkollës Shqipe, Ditën e Mësuesit, kujtojmë historinë e shkollës shqipe që ka luajtur rol qenësor në zhvillimin e qytetërimit shqiptar, në krijimin e ndërgjegjes kombëtare dhe në emancipimin e përgjithshëm shoqëror.

Kujtojmë me respekt sakrificën dhe kontributin e jashtëzakonshëm të mësimdhënësve në vitet më të errëta të robërisë.

Ndërkaq, sot urojmë të gjithë mësuesit, arsimtarët dhe pedagogët me besimin se ata vazhdojnë të jenë prijatarë të ngritjes së gjeneratave të reja të Kosovës, konkurrente dhe të barabarta me gjeneratat e tyre në rajon dhe më gjerë.

Urime 7 Marsi! HTH

Shpërndaje në rrjete sociale

Lajmet më të lexuara

Të ngjashme

Foto lajm